Erasmus+

Programmet støttar mobilitet og samarbeidsprosjekt i heile utdanningsløpet: barnehage, grunnskule, vidaregåande opplæring, høgare yrkesfagleg utdanning, høgare utdanning og vaksenopplæring.

Programmet er finansiert av Europakommisjonen. Direktoratet for høgare utdanning og kompetanse er nasjonalt kontor for utdanningsdelen av programmet.

Erasmus+ skal bidra til kvalitet i utdanning gjennom inkludering og mangfald, aktivt medborgarskap, og digital og grøn omstilling.

Les meir om dei overgripande prioriteringane som skal prega aktivitetane i Erasmus+ 2021-2027:

• Berekraft
• Digitalisering
• Inkludering
• Aktivt medborgarskap

Tre hovudtiltak

Erasmus+ har tre hovudtiltak:

1. Mobilitet - elevar, lærlingar, studentar og deltakarar i vaksne si læring kan ha eit læringsopphald i utlandet. I tillegg kan lærarar og andre tilsette på alle nivå arbeide i eller ved utanlandske organisasjonar og institusjonar.
2. Partnarskap for samarbeid - omfattar partnarskap mellom utdanningsinstitusjonar, relevante organisasjonar og arbeidsliv for å styrke og vidareutvikle europeisk samarbeid innanfor undervisning og læring. Tiltaket kan omfatte samarbeid med lærestader utanfor Europa.
3. Støtte til politikkutvikling - omfattar prosjekt og aktivitetar for å gjennomføre EU-politikk og EU-instrument.

I tillegg kjem Jean Monnet-tiltaket som gir støtte til undervisning og forsking på europeisk historie og integrasjon.

Erasmus+ for ulike sektorar

Tildelingar

Sjå alle tildelingar i Erasmus+ frå 2021.

Informasjon om førre programperiode 2014-2020

Informasjon til deg som har pågåande prosjekt frå førre programperiode 2014-2020.

• Skoleutvekslingspartnarskap