Global mobilitet i høgare utdanning

• Høgare norske utdanningsinstitusjonar med gyldig Erasmus+ Charter for Higher Education (ECHE) (erasmuspluss.no)
• Mobilitetskonsortium (meir informasjon om mobilitetskonsortium finn du i Erasmus+ sin programguide: Mobility projects for higher education students and staff | Erasmus+ (europa.eu). Den norske institusjonen søker på vegne av partnarinstitusjonen.

KA171 gir støtte til norske høgare utdanningsinstitusjonar som ønsker å sende og ta imot studentar og tilsette til eller frå land utanfor dei tradisjonelle Erasmus+-landa (medlemslanda i EU, og dessutan Island, Liechtenstein, Nord-Makedonia, Serbia og Tyrkia).

Desse landa blir gjerne omtala som «tredjeland som ikkje er assosierte med programmet» eller berre «tredjeland», og kan delta i delar av Erasmus+-programmet under gitte kriterium.

På Europakommisjonens nettsider finn du eit oversyn over tredjelanda som ikkje er assosierte med Erasmus+-programmet.

Budsjettet er inndelt i ulike regionar. Ta ein titt på det tentative budsjettet for ein peikepinn på kor mykje midlar som vil vere tilgjengeleg i dei ulike regionane.

Legg merke til at du ikkje kan sende ut bachelor- og masterstudentar til tredjeland som kan få utviklingsstøtte .

Det er ikkje lengre mogleg å sende studentar og tilsette til Russland eller Belarus, eller motta tilsette frå desse landa.

Kva kan du søke om støtte til?

Du kan søke støtte til å sende og ta imot studentar og tilsette på langtidsmobilitet, korttidsmobilitet og blanda mobilitet.

Blanda mobilitet er mobilitet som kombinerer fysisk mobilitet med ein virtuell læringskomponent.

Ved korttidsmobilitet er den virtuelle komponenten obligatorisk (det er unntak for doktorgradsstudentar, som kan ha korttidsopphald utan ein virtuell komponent). Du kan og søke om inkluderingsstøtte.