Individuell mobilitet i høgare utdanning

• Høgare norske utdanningsinstitusjonar med gyldig Erasmus Charter for Higher Education (ECHE).
• Mobilitetskonsortium (meir informasjon om mobilitetskonsortium finn du i Erasmus+ sin programguide).

Gjennom KA131 kan du søkje om støtte til å sende studentar og tilsette på mobilitetsopphald til Erasmus+ sine programland, det vil sei medlemslanda i den europeiske union og dessutan Island, Liechtenstein, Nord-Makedonia, Serbia og Tyrkia.

Du kan òg bruke delar av tildelinga til å sende studentar og tilsette på mobilitetsopphald utanfor dei tradisjonelle Erasmus+-landa.

Kva kan du søke støtte til?

Du kan søkje støtte til å sende studentar på studie- og praksisopphald, og tilsette på undervisnings- og opplæringsopphald. Du kan og søkje om støtte til blanda intensivprogram, inkluderingsstøtte og støtte til ekstra dyre reiser.

Meir informasjon finner du i Erasmushandboka.

For 2025-utlysinga i KA131 er det obligatorisk å fylle ut og laste opp vedlegg til søknaden: Vedlegg til søknad - KA 131 - 2025 (excel)

Registrer søknaden

For å få tilgang til sjølve søknadsskjemaet, treng du ein EU Login-brukarkonto. Denne opprettar du sjølv på ein enkel måte (europa.eu) .

I Erasmusportalen, under «Opportunities», finn du søknadsskjemaet for KA131 Individuell mobilitet i høgare utdanning (KA131-HED - Mobility of higher education students and staff supported by internal policy funds). Søknaden er eit nettskjema som blir lagra automatisk når du jobbar i det. Du kan gi tilgang til andre slik at dei òg kan redigere søknaden.

Alle høgare utdanningsinstitusjonar som søkjer om Erasmus+-midlar må ha ein organisasjons-ID (OID). Når du oppgir OID-nummeret i søknaden, vil relevant informasjon om organisasjonen din automatisk bli fylt ut i søknadsskjemaet. Du kan finne ut om organisasjonen din har eit OID-nummer frå før, eller registrere institusjonen din i Erasmusportalen (europa.eu) , under menypunktet «Organisations».

Viss du får problem med å sende inn søknaden, ber me om at du tek kontakt med oss på e-post: erasmus@hkdir.no . Får du problem same dagen som søknadsfristen, må du kontakte oss umiddelbart.

Det er lurt å sende inn søknaden nokre dagar før fristen. Då har me god tid til å hjelpe deg om det skulle oppstå tekniske problem.

For at du skal kunne søkje om mobilitetsmidlar i Erasmus+ må institusjonen din ha «Erasmus Charter for Higher Education» (ECHE). Gjennom ECHE-tildelinga har den enkelte institusjonen vorte akkreditert for deltaking i Erasmus+, og det er derfor ikkje nødvendig med ei eiga kvalitetsvurdering av mobilitetssøknaden.

Vi vurderer søknadene basert på tidlegare oppnådde resultat og grunngivinga for søknadstala.

Du kan forvente svar på søknaden i god tid før prosjektoppstart 1. juni 2025.

Viss du har fått tildeling til mobilitetsprosjekt, skal du levere inn ein interimrapport («periodic report») i løpet av prosjektperioden og ein sluttrapport etter at prosjektet er avslutta.